Article by : Admin on 04-09-2021

லெண்டி ஸ்டுடியோஸ் சார்பில் S.ஐஸ்வர்யா தயாரிக்கும் படம் சிவசிவா. இந்த படத்தை சுசீந்திரன் எழுதி இயக்கியுள்ளார். R.வேல்ராஜ் ஒளிப்பதிவு செய்துள்ளார். M.காசி விஸ்வநாதன் படத்தை தொகுத்துள்ளார்.

நடிகர் ஜெய் மற்றுமொரு பரிமாணத்தில் இந்தப்படம் உருவாகியுள்ளது. சிவசிவா படத்தில் நடிகர் ஜெய் நாயகனாக நடித்திருப்பது மட்டுமின்றி இந்த படத்திற்கு இசையமைத்து இருக்கின்றார், நடிகர் ஜெய் இசையமைப்பாளராக இந்த படத்தில் அறிமுகமாகின்றார். பகவதி படத்தில் அறிமுகமான ஜெய்யிற்கு இந்த படம் 30 வது படம்.

சிவசிவா படத்தில் மீனாக்ஷி கோவிந்தராஜன், பாலசரவணன், ஆகாங்க் சிங் மற்றும் பலர் நடித்துள்ளனர்.

இயக்குனர் சுசீந்திரன் மற்றும் ஜெய் இணையும் முதல் திரைப்படமும் இதுதான். ஜெய் அவர்களின் கதாப்பாத்திர படைப்பு பார்ப்பதற்கு சுப்ரமணியபுரம் படத்தை போன்று இருப்பது டீசர் வழியாக உணர முடிகின்றது.

சிவசிவா படத்திற்கான பாடல்களை வைரமுத்து, யுகபாரதி மற்றும் ஏகாதசி பாடல்களை எழுதியுள்ளார்கள். நடனம் ஷோபி பவுல்ராஜ், சண்டை பயிற்சி திணேஷ் காசி.

சிவசிவா படத்தின் டீசர் இன்று (04.08.2021) நடிகர் ஆர்யா தனது டிவிட்டர் பக்கம் வழியாக வெளியிட்டார்.